قصه ريما ونواف قصه رومانسيه سعوديه روووووووووعه

وصلوا لإيطاليا وبالتحديد روما..

نزل نواف وهو ماسك يد ريما اخذ الشنط من المطار..وبعدين راحوا بسيارة لكزس حقت الفندق الي حاجزين فيه..كان الفندق من افخم وارقى الفنادق الموجودة في العاصمة الإيطالية..

وصلوا للفندق ودخلوا الجناح الي لهم..كان عبارة عن غرفتين وصالة كبيرة ومطبخ..الاثاث كان رايق ومريح..والالوان كانت هادية والديزاين غريب وفخم..

ريما اول ماوصلوا..اخذت شاور سريع وبدلت ملابسها ..وطلعت ترتب الشنط..نواف كذلك اخذ شاور وبدل ملابسه..
نواف:حبيبتي اتركي الشنط..بعدين نرتبهم..اللحين نامي..احس انك مانمتي امس كويس..
ريما:اللحين اخلص من ترتيبهم وانوم..
نواف:موب تعب عليك؟
ريما:لا ..ماحب اشوف الاشياء من غير ماتكون مرتبه
نواف:ياعيني عليك ..
ريما رتبت الاغراض ودخلت الملابس في الدولاب(الكبت) ملابسها وملابس نواف..وبعدين ماحست بنفسها الا وهي على السرير وغاطة في سابع نومه..

الساعة 9 بالليل..
ريما صحت من النوم..ونواف لسى نايم..راحت وغيرت ملابس النوم..ولبست

فستان قصير دانيتل اسود وابيض..وبالوسط شريطة من الستان فيها لولو نازل من تحت..ورابطة شعرها من فوق..وكحلت عيونها وحطت ملمع الشفايف (جلوس)..وتعطرت جلست برى الغرفة ماحبت تزعج نواف لان شكله ينرحم..واضح عليه التعب...وكان نايمممممم

طلعت واتصلت على امها وابوها..وعلى عمها ابو نواف وخالتها..<ام زوجها
وطمنتهم عليهم..

ريما كانت جالسه بالصالة..كانت كبيرة وكلها قزاز يطل على شارع كبير وحدايق ريما وقفت وجلست تطالع الناس..وفجأة احد جاء وغمض عيونها..

ريما طمرت(قمزت)
ريما:يمة
مسكت يدينه..
ريما:حبيبي نواف خوفتني!!
نواف:ياقلبي ترى اذوب على كلمة حبيبي هذي
ريما استحت..
نواف:يالله ريومي انتي جاهزة بننزل نتمشى وتنعشى اووكي!!
ريما:اوكي!!
ريما لبست جاكيت طويل جلد اسود وفيه لمعة وعلى الاكمام في نقشات بالصيني لونه ابيض ..وبوت جلد ..وشنطة سوداء كبيرة جلد وفيها بروش يلمع

نواف طلع وكان لابس بنطلون برمودا لونه بني وفنيلة لونها زيتي وحزام وشعرهـ حاط فيه جل ونافشه ..<شكلة رووووووعة

نزلوا ريما ونواف وصلهم الشوفير عند مطعم راقي..دخلوا كان الجو رومانسي..طبعاً المطعم ايطايل والموسيقى الكلاسيكية الايطاليه تعشوا وانبسطوا..!!

بعدين طلعوا وراحوا يتمشون في حديقة كلها نوافير ريما اعجبها المنظر ..
نواف:تبغين ارميك في النافورة..
ريما:هههههه لاتسويها انت
نواف:شفتي كيف اسوي ابو جدها
ريما:هههههههه
نواف:ههههههه

وبعدين لما صارت الساعة 1 باليلل رجعوا للفندق..كانوا تعبانين بعد المشوار ومرهقين بعد السفرة الطويله..وعلى طول ناموا اول ماوصلوا من التعب..

الساعة 11 الصبح نواف يصحي ريما
ريما:هلا
نواف:صباح الخير يالغلا
ريما:صباح النور..كم الساعة
نواف:11
ريما:يوووه ماحسيت بالوقت
نواف:يالله جهزت الفطور..
ريما:ليش انت تسويه؟كان صحيتني انا اصلحه
نواف:لا ماحبيت اتعبك..
ريما:تسلم لي يالغالي
نواف:عاد بجد غالي
ريما:يعني وش رايك؟
نواف:غالي وستين غالي
ريما:ههههه شفت شلون انت غالي
نواف:يالله قومي الفطور
ريما:طيب

ريما بدلت ملابسها..ولبست جلابيه لونها برتقالي وفيها نقشات..ورابطة شعرها

نواف:ياعيني على البرتقالة
ريما:عاد برتقالة ..ماحبها..
نواف: تحبينها ولا ماتحبينها..انتي برتقالتي
ريما ابتسمت له..

افطروا وهم يدردشون على الآخر..
نواف:يالله نبي نروح للبارك روعة..اتوقع يعجبك
ريما:دامه عاجبك اكيد بيعجبني
نواف:ويلوموني فيك..
ريما:يالله مستر نواف نروح نغير ملابسنا علشان نطلع..نفسي اشوف البارك الي عاجبك
نواف:يالله

ريما لبست بنطولون جينز وبلوزة وردي شيفون طويلة الى الركبة وفيها قصات واكمامها فرنسي ولفت حجاب وردي شفون وفيه ورد صغير بالفوشي..وحطت كحل وروج وردي ..

نواف:يارض احفظي ماعليك
ريما:من ذوقك..
نواف: يالله

طلعوا لبارك كبير ومليان ناس وفيه خليجين كثار ,,تمشوا ريما ونواف ..نواف سحب يد ريما ..ومسكها ..ريما اصبغ وجهها احمر كانت خجلانه..من حركته

وشاف واحد يبيع ورد جوري..

نواف راح واشترى باقة ورد جوري كبرةة لونها احمر..

نواف:حبيبتي الجوري للجوري
ريما:ياي تجنن..مانسيتها الجوري للجوري..
نواف:وكيف انساها؟
ريما:ياحياتي والله

طبعاً تمشوا وانبسطوا وجلسوا بجلسات على البحر هادية..تغدوا فيها..ورجعوا للفندق يريحون..