قصه ريما ونواف قصه رومانسيه سعوديه روووووووووعه

الجزء الواحد والعشرون

الفصل الثاني

: : :

حفلـــــة ريما كانت كبيرة...(نسائية)..وحضروا من خوال ريما (الجدة هياء..ندى..هند..هيفاء..)اما من عمامها(ام نواف..ام عبدالرحمن..نوف...العمة نورة..الهنوف...) وصديقات ريما(اسماء ..رشاء..مشاعل..)



اول ماتجمعوا الناس واكتملوا جلسوا في الصالة..وبعدين طفت الانوار....والليزر على الدرج نزلت ريما على اغنية احلام(نجحنا والله وفقنا..واخر صبرنا نلنا..) وكانت لابسة عباية التخرج وقبعة التخرج..

اول مانزلت الكل جاء وبارك لها..بالنجاح وريما كانت مبسوطة ..وبعدين قطعت ريما والهنوف وصديقاتها تورته النجاح..

بعدين شغلوا المسجل ومع الاشرطة يعني وناسة بمعنى الكلمة<طبعاً

الكل كان جايب لريما هدايا بمناسبة نجاحها..ريما كانت جالسة مع البنات وصديقاتها
اسماء: ريما وينها خالتك ام نواف؟
ريما تأشر:هذيك الي لابسة تفاحي..!!
مشاعل:ماشاء الله ياحلوها..تصدقين ماكأن لها ولد يبي يتزوج
هيفاء:انتي مثلي انا تفاجأت لما شفتها ..كأنها اصغر من ريما ههههههه
رشاء:ههههههههههههههههه صادقة
ريما:عز الله ياحبكم للشر انتي وياها..ا
ندى:ايه ماشاء الله ام نواف تزوجت وهي صغيرة ولاتنسين اناقتها وشياكتها يعني مررة مصغرتها...!!
رشاء:والله حركات ريما خالتك خطيرة راح تنافسك على الكشخة..وانا اقول نواف طالع حلو لمين
ريما:وجع رشوووهـ..لاتكلمين على نواف..
الهنوف:بدء شغل الغيره هههههههههه
رشاء:خلاص ولاتزعلين..وش ذاك النواف ياربي لك الحمد طويل وابيض ومملوح وع هههههههه
ريما قامت :رشاء ترى قمت عليك ياويلك مني..تسبين نواف قدامي ياوسيعة الوجهه
ندى:هههههههههههه
رشاء:والله ابتلشت فيك ياحرم نواف..خلاص الشرهه علي الي جالسة اتكلم عنك وعن مستر نواف
أسماء:عاد كل شيء ولانواف ..هذا الموضوع حظر..مايتكلم فيه
هيفاء:حتى احنا نواف ونواف كأن مافيه بالوجود غير نواف
نوف:ههههههههه حلوة هذي
ندى:الله يعينه عليك ياريما انتي وغيرتك
رشاء: بيني وبينك ياندى لازم تغار على ذاك المزيون
ريما:رشااااااااااااااااااااااااااا وجع انتي مالي الا ازوجك علشان افتك منك
رشاء:على يدك تكفين
ندى:ههههههههههه والله انكم مرجوجات
مشاعل:ترى كذا كل يوم بالمدرسة اذا حبينا نعصب ريما نتغزل بنواف ..تولع هههههههه
اسماء:ابي اروح ارتز قدام خالتك ياريما ..يمكن تخطبني لولدها الثاني..وش اسمه
ندى:محمد صح؟
الهنوف:ايه اسمه محمد
اسماء:ياعيني اسماء ومحمد لايقين على بعض صح؟
مشاعل:ههههههههههههههههه خبلا..الله يعين ريما الي بتصيرين حماتها
الهنوف: انا اقول وش فيها البنيه حالتها حالة اذا جت خالتي ام نواف..طلعتي موب هينه مخططة على ولدها يالدبا
هيفاء:افا111 يااسماء طلعتي مرتبة كل شيء..!!وراح تصيرين حمات بنت خالتي..خوش والله ..والله يعين ام نواف عليكم
رشاء:ههههههههه اي صادقة شكلكم بتجننونها...!!
اسماء:خلاص من اللحين قلت لكم محجوز ياريما ولد عمك
رشاء:والله لو هو علبة حلاو محجووز

نوف تضايقت من كلام اسماء وقامت عن جلستهم ..وراحت وجلست عند الحريم الكبار
ريما حست فيها..قامت ريما عندها
ريما:نوف ترى اسماء ماتقصد..كل يوم كذا كلامها يعني تخربط
نوف: لا انا ماقمت علشان اسماء انا بس كذا قمت..طفشت وقلت خليني اسمع سواليف الحريم الكبار..
ريما:يعني مو زعلانه علشان محمد؟
نوف:وش دخلني بمحمد؟يعني ولد عمي مثل ماهو ولد عمك
ريما:لاتكابرين..انا والهنوف كاشفاتك ونعرف انك مو بس تحبينه الا تموتين على محمد..وهو بعد يبادلك نفس الشعور
نوف:وش عرفك؟
ريما:اللبيب بالاشارة يفهم..يالله قومي معاي عند البنات نبي ننبسط..
قامت نوف مع ريما ..ورجعوا عند البنات..

ندى:الهنوف خلينا نجيب العصير للحريم الكابر...فشة ماقدمنا لهم شيء
الهنوف:يالله ...ولاتنسين الصبايا
راحوا البنات يجيبون العصيرات..ويدرون فيهم على الحريم

الهنوف ومعاها العصيرات واقفة عند هند والجدة هياء..
الجدة هياء:هذي بنتك يانورة؟
نورة:ايه الهنوف
الجدة هياء:ماشاء الله لااله الا الله..قمر
الهنوف وجهها صاير احمر من الحياء..
هند: نورة والله بنتك تجنن ماشاء الله..كبرت..اخبرها وهي صغيرونه..
الهنوف ميته خلاص (كله منك ياندى يادبى تقولين قومي ندور بالعصير شوفي وش صار..!!)

الساعة 11 ونص باليل..راحوا صديقات ريما ..ريما كانت جالسة عند خالتها ام نواف يتكلمون مع بعض ..وهيفاء وندى والهنوف ونوف يتريقون على ريما..رن جرس الباب.راحوا الخدمات يفتحون..وبعدين رجعوا وكـــــانوا شايلات معهم صندوق كبير لونه احمر وابيض يالله يشيلونه الخدامات ثقيل بالمرة...

ريما قامت تفتح الصندوق..كان فيه دبدوب لونه بنـــــــــي كبيررررررررر بالحيل ماسك في يده اليمنى بوكية ورد كبيررر جوري وفي يدهـ اليسرى ماسك بوكس كبير..ريما فتحت البوكس الكبير كان فيه طقم من الماس عبارة عن عقد(قلادة)دوائر ملتفة على بعض..وبعدين كأن فيه الماسة نازلة مكتوب عليها(ريما) من الماس وحلق على شكل دوائر ملتفة على بعضها الماس.. وفيه بطاقة حلوة بالاحمر مكتوب فيها

حبيبتي ريما..

الف مبروك النجاح..

مع اطيب التمنيات لك بالتوفيق..

نواف..

: : :

الكل تخبل على الطقم..والبوكية كان انيق مرتب..

هند:والله ذوق هالولد ماشاء الله عليه
الجدة هياء:مبروك يابنيتي ياريما
ريما:الله يبارك فيك
ام نواف:والله ان ريما تستاهل اكثر من كذا..وماسوينا اي شيء يستاهل..
ام ريما:لا والله يام نواف.ايش ماسويتوا..الله يعطيه العافية نواف..والله يوفقهم ان شاء الله
العمة نورة:نواف ولد طيب وخلوق..وريما تستاهل كل خير..
ام عبدالرحمن:الله يوفقكم ياريما..!!
ريما استحت من كلام الحريم ..وراحت للبنات

ندى:والله خطير ولد عمك
الهنوف:يا111111ي ريموة تكفين اعطيني الدب..هدية نجاحي!!
ريما:هاهاي كثري منها..مابقى الا هي اعطيك دبدوب ومن نواف بعد..سوري..اطلبي أي شيء غير الي من نواف..
هيفاء:تصدقين عاد والله نواف عندهـ ذوق شوفي الطقم كيف صاير شكلة..ماشاء الله من حظك زوجك ذويق.
نوف:لا لوتشوفين بعد ياهيفاء اناقتة يعني هو الوحيد من الشباب الي تحسين انه نظيف ومرتب..ديام هندامة روعه!!
ريما:يالبى قلبه..ابي اروح اتصل عليه
ندى:تونى..بعدنا ماراحنا يالدبا
الهنوف:اخري الاتصالات شوي..اشتقتي؟
نوف:جاملينا على الاقل اجلسي معنا شوي..
ريما:يمة اكلتوني..
هيفاء:هههههههه تستاهلين تروحين وتكلمين حبيب القلب واحنا جالسين نتفرج..
الهنوف:هههههه أيه صادقة هيفاء
ريما جلست:وهذي جلسه..آمروني بعد..
نوف:خليك كذا دايم مطيعة
ندى:ههههههه

والساعة 1باليل..راحوا الناس..وكلمت ريما نواف تتشكرهـ على الهدايا..

: : :

بعد يومين..

ريما تجهز شنطتها حقت السفر..بتروح مع اهلها تجهز لزواجها لانه قرب..ابو ريما قرر تكون السفرة طويلة لانه آخر سفرة بتكون مع ريما قبل زواجها..وسافروا لماليزيا..

ريما قصت شعرها شلال صاير شكله روعة وكثير..وعملت حمامات زيت وماسكات لشعرها وبشرتها ..وكريمات ومرطبات..ومساجات وتدلييك..(تعرفون الماليزيات معروفات بالحركات هذي)

ريما:وش رايكم بشعري؟
ام ريما:يالله مرة حلوه قصة شعرك
ريما:ايه انا اعجبتني قد مررة شفتها في التلفزيون ونويت اقصها
ابو ريما:اللحين بنروح نتعشى بمطعم ماليزي
ريما:يا11111ي احب اجرب اكلات الدول الثانية
ام ريما:بس انتبهي لنفسك لا تسمنين هههه
ريما:ههههههه لاتوصين حريص
ابو ريما:لا يايبه انت كلي وانبسطي..بلا رجيم بلا هم
ريما:لا يبه لازم لزوم الاناقة..
ام ريما:صادقة لازم تنتبه لحالها..

تعشوا وانبسطوا..ريما يومياً بالاسواق والمحلات..واشترت اشياء كثيرة ..وجلسوا حوالي اسبوع فيها..كلهم انبسطوا فيها من جزيرة لجزيرة والمناظر الطبيبعة والأماكن النظيفة..والبحيرات والمسابح...!!

ابو ريما:طفشتوا من ماليزيا؟
ام ريما:لا والله تهبل
ريما:والله كثير مدحوها لي..بس ماتوقعتها كذا روعة الطبيعة..والناس يهبلون نظيفين
ابو ريما:ترى الماليزين معروفين عند جميع الشعوب بالنظافة وحب العمل..!!ايه على فكرة انا مسوي لكم مفاجأة
ريما:ايش هي المفاجأة تكفى يبه..؟
ام ريما:الله يهداك يافهد .... اللحين بتنشب في حلقك لما تقولها
ابو ريما:بس ماتصير مفاجأة اذا قلتها
ريما:يبه تكفى ياقلبي يبهــ ايش هي؟
ابو ريما:نفسكم تشوفون برج ايفل؟ونكرر رحلتنا الي قبل
ريما:الله يايبه..صدق؟يعني نروح لفرنسا؟
ام ريما:والله انا نفسي اجلس في ماليزيا..
ريما:لا يمة تكفين نبي نروح..ابي اتسوق واشتري
ام ريما:هههههه ايه علشان الزواج؟
ريما استحت
ابو ريما حس في ريما:على العموم انا معاي التذاكر وبكرى بالليل ان شاء الله نكون في وسط فرنسا..
ريما قمزت من مكانها:ياعيني عليك يابو ريما ..راحت وباست راسه..
ابو ريما:ههههه لو انا داري انك بتنبسطين كان رايحين فرنسا من زما1111ن
ام ريما:هههههههههههههههه

: : :
راحوا لفرنسا..ريما من محل لمحل ومن مصمم لمصمم...اشترت اشياء كثيييييييييييررررررر وكل شيء احلى من الثاني..من فساتين بنطالونات وتنانير وبلايز وتيشرتات وصنادل(وانتوا بكرامة)وشنط وعطورات..

وراحت لمحلات التجميل وعملت ماسك لبشرتها ..وبديكير ومنيكير..

وفي احد محلات المصممين العالميين..ريما اعجبها فستان للزواج ستايله هندي وفيه اشياء تلمع وطرحته كانت طويله وفيها دانتيل وتل الي فيه لمعة الفستان والطرحة غاية في الفخامة...ريما جربت الفستان وطلع عليها روعة راكز على جسمها وكأنه مفصل لها..

انبسطوا كثير في الرحلة..وبعد مرور اسبوعين..رجعوا للرياض ...!!

: : :

طبعاً زواج ريما ونواف كان موعدهـ قريب بعد اسبوع بالتمام والكمــــــا11111ل.الكل كان مشغول وريما اكثر وحدة مرتبكة وخايفة ..

: : :